КРнын депозиттик базасынын өсүшү боюнча планы 101,4 % аткарылды
2019–2025-жылдары депозиттик базанын өсүшү Депозиттерди коргоо Агенттигинин капиталын олуттуу көбөйттү. КРнын жарандары коммерциялык банктарга салган депозиттеги акчаларын коргоо максатында түзүлгөн Фонддун суммасы ай сайын көбөйүп жатат. Бул тууралуу КРнын Депозиттерди коргоо боюнча агенттигинин аткаруучу директору Кадырбек Букуев билдирди.
“Депозиттерди коргоо фонду өз каражаттарынын эсебинен туруктуу өсүүнү сактап келе жатат. Ага ылайык, 2025-жылдын он бир айында 1 783 037,0 миң сомго же 23,9% ɵстү. Анын ичинде 937 481,0 катышуучулардын мүчөлүк акыларынын эсебинен жана 845 556,0 миң сом инвестициялык таза кирешенин эсебинен болду. 2025-жылдын 1-декабрына карата Фонддун суммасы 9 253 588,0 миң сомду түздү. 2024-ж. 31-декабрына карата бул сумма 7 470 551,0 сомго барабар болгон.”- деди К.Букуев.
К.Букуевдин айтымында 2025-жылга Депозиттерди коргоо фондунун пландалган суммасы - 9 126 600,0 миң сомду түзгөн. 2025-жылдын 1-декабрына карата бул план 101,4 % аткарылды.
Негизи 2019–2025-жылдар аралыгында банктардын жыйынды депозиттик базасы 60 пайыздан ашык өстү. Калктын депозиттери да, корпоративдик салымдар да көбөйдү. Банктардын АЗДга төлөгөн камсыздандыруу төгүмдөрү депозиттердин көлөмүнө түздөн-түз байланыштуу болгондуктан, депозиттик базанын өсүшү фондго каражаттын агымын автоматтык түрдө көбөйттү. 2019–2025-жылдардын ичинде аманатчыларга толук компенсация талап кылган бир да системалуу мааниге ээ банк банкрот болгон жок.
