“Экопродукт Азия” экспорттук багыттарын кеңейтет
Шопоков шаарындагы сүт жана шире чыгаруучу “Экопродукт Азия” ЖЧКсы экспорттук багыттарды кеңейтип жатканы Суу ресурстары айыл чарба жана кайра иштетүү өнөр жайы министри Бакыт Төрөбаев аталган ишкананын ишмердүүлүгү менен таанышуу учурунда белгилүү болду деп жазат “Кабар”.
Компания жетекчилиги министрге өндүрүш аянттарын, реконструкцияланган зоналарды, жаңы цехтердин долбоорлорун, кампаларды жана сапат лабораториясын көрсөткөн.
Таанышуу учурунда ишканасында өндүрүрүлгөн ультрапастерленген сүт жана түз сыгылган ширелердин дегустациясы өткөрүлдү. Төрөбаев продукциянын сапатын баалап, ишкананын кайра иштетүү тармагына жана өлкөнүн азык-түлүк коопсуздугуна кошуп жаткан салымын белгиледи.
Ишкананы өнүктүрүүгө жалпы 9,622 млн доллар инвестиция салынган. Анын 43,88%ы — компаниянын өз каражаты, 56,12%ы — Россия-Кыргыз өнүктүрүү фондунун каржылык колдоосу болгон. Модернизация аяктагандан кийин өндүрүштүк кубаттуулук жылына 40 миң тоннага жетет.
“Экопродукт Азия” ички рыноктогу позициясын бекемдеп, экспорттук багыттарды дакеңейтип жатат.
