Косметикалык продукцияны маркировкалоо боюнча бирдиктүү эрежелер киргизилет
Евразия экономикалык комиссиясынын (ЕЭК) Кеңеши ЕАЭБ өлкөлөрүндө айрым түрдөгү тамак-аш жана косметикалык продукцияны маркировкалоо боюнча бирдиктүү эрежелерди белгилөө чечимин кабыл алды.
Мүчө мамлекеттер өз аймагында идентификациялоо каражаттары менен продукцияны маркировкалоону киргизүү датасын жана тартибин өз алдынча аныкташат.
Териден жасалган буюмдар боюнча көзөмөл идентификациялык белгилерди колдонуу менен Data Matrix технологиясына өтүүнүн этап-этабы менен башталары чечилди.
Документке ылайык, мех буюмдарын 2026-жылдын 28-февралына чейин RFID-белгилери менен маркировкалоого уруксат берилет. Андан кийин мындай продукцияны маркировкалоо үчүн Data Matrix колдонулат.
"Ошол эле учурда, мех буюмдары узак мөөнөттүү колдонулуучу товарлар экенин эске алуу менен, мурдагы технология боюнча маркировкаланган продукциянын жүгүртүүсүнө тыюу 2027-жылдын 1-мартына карата киргизилет.
Бул чара бизнеске товар калдыктарын үзгүлтүксүз режимде сатууга жана жаңы маркировка түрүнө акырындап өтүүгө даярданууга мүмкүнчүлүк берет", — деп түшүндүрүштү ЕЭКте.
