Быйыл 13 333 жакыр үй-бүлө 150 миң сомдук социалдык келишим төлөмүн алышты
Эмгек, социалдык камсыздоо жана миграция министрлиги билдиргендей Президент Садыр Жапаровдун колдоосунун аркасында, 2025-жылдын мартынан тартып, социалдык келишимдин суммасы 150 миң сомго чейин көбөйтүлгөн. Төлөмдөр көтөрүлгөндөн кийин, программага кошумча 10 миң 185 үй-бүлө кошулган.
Катышуучулардын 70%дан ашыгы каражатты айыл чарбасын өнүктүрүүгө, өндүрүшкө, соодага жана кызмат көрсөтүү чөйрөсүнө жумшаган.
2025-жылы 13 миң 333 жакыр үй-бүлө 150 миң сом өлчөмүндөгү социалдык келишимди ала алышты. 2025-жылдын 1-октябрына карата республика боюнча 10 миң 185 социалдык келишим түзүлгөн.
Эске салсак, 2024-жылдан баштап социалдык келишимдин ийгиликтүү катышуучулары үчүн кошумча колдоо чарасы — үч жылдык мөөнөткө 200 миң сомго чейинки пайызсыз насыя берүү киргизилген. Насыялар “Айыл Банк” жана “Элдик Банк” мамлекеттик банктары аркылуу берилет.
Насыя ишкердиктин бардык түрү боюнча берилет, ошол эле учурда жеңилдетилген мезгил каралган: алгачкы үч айда төлөө талап кылынбайт. Мамлекет кошумча түрдө банктык чыгымдардын 4%ын жабат. Ушул жылдын 2-сентябрына карата 680 жаран бул колдоо чарасын колдонгон.
