Бишкекте шаардыктарга суткасына 20 миң куб метр суу берилет
Бишкек шаарында саатына 8 500 куб метр, суткасына 19–20 миң куб метр суу Орто-Алыш суу алуучу түйүнүнөн элге берилип турарын "Бишкекводоканал" муниципалдык ишканасынын суу менен камсыздоо кызматынын жетекчиси Кеңешбек Акматов бүгүн радио эфирде билдирди.
Суу үнөмсүз колдонулгандыктан, жер алдындагы суунун деңгээли кадимкидегиден 100 метрге төмөндөп кеткен. Мурда суу скважиналардан өзүнүн басымы менен эле чыгып турса, 2023-жылы кургакчылык маалында суунун деңгээли дагы 20 метрге түшкөн.
Акматовдун маалыматына караганда, бүгүнкү күндө Бишкекте суу эсептегичтер шаар калкынын 5%ына гана орнотулган.
Ал сууну үнөмдөө үчүн төмөнкүлөрдү сунуштады:
- Кышында сырттагы суу алуучу түтүктөрдү өчүрүү,
- Эгер тоңуп калуу коркунучу болсо, аларды үйдүн ичине орнотуу,
- Сугатка ичүүчү сууну колдонбоо,
- Суу эсептегичтерди, суу ченегичтерди орнотуу жана сууну сарамжалдуу пайдалануу.
