ЕРӨБ Кыргызстанда 2026-жылы реалдуу ИДП 6% болорун божомолдоду
Кыргызстанда ички суроо-талаптын жогору болушунан улам инфляциялык басым күчөп, натыйжада керектөө бааларынын өсүшү акыркы эки жылда эң жогорку деңгээлге чыкканы ЕРӨБдүн 2025–2026-жылдарда рынок экономикасына өтүү отчетунда белгиленет.
Материалда айтылгандай, 2024-жылы төмөндөгөн инфляция 2025-жылдын башында кайра тездеп, июль айында 8,8%га жеткен. Бул үй чарбаларынын керектөөсүнүн өсүшү жана электр энергиясына тарифтердин көтөрүлүшү менен түшүндүрүлөт.
Ушундай шартта Кыргызстандын Улуттук банкы 2025-жылдын июль айында негизги ченди 25 базистик пунктка жогорулатып, 9,25%га чыгарган.
Буга улай ЕРӨБ айрым кирешелерди мобилизациялоо жана салык базасын кеңейтүү аркылуу бюджеттик позиция чыңдалганын белгилейт. Алсак:
— 2025-жылдын I жарым жылдыгында бюджеттик кирешелер ИДПнын 43,6%ын, чыгашалар 34,6%ын түзгөн;
— мунун натыйжасында 2025-жылдын июнунда бюджет профицити ИДПнын 8,5%ына жеткен (бир жыл мурун — 5,4%).
Ал эми алтындын дүйнөлүк баасынын жогорулашынан улам эл аралык резервдер 2025-жылдын июнунда 6,5 млрд долларга жеткен, бул көлөм импорттун болжол менен 4,7 айына барабар.
Ошондой эле, ЕРӨБ маалыматына ылайык, Кыргызстан 2025-жылдын май айында биринчи жолу евробонддор рыногуна чыгып, 700 млн долларлык евробондду 5 жылдык мөөнөттө 7,75%дык купон чени менен жайгаштырган.
ЕБРРдин божомолу боюнча, жакынкы келечекте экономиканын өсүшү сакталып калат:
— 2025-жылы реалдуу ИДП 9%,
— 2026-жылы 6% деңгээлде болот.
