Жездин бир тоннасы дүйнөлүк рынокто 11 771 долларга чыкты
Кечээ дүйнөлүк рынокто жездин баасы тарыхый эң жогорку деңгээлге чыкканын Интерфакс жарыялады.
Маалыматта жездин кымбатташына дүйнө жүзү боюнча жез тартыштыгы тууралуу тынчсыздануулардын күчөшү себеп болгону айтылат. Күн мурун Лондон металл биржасында (LME) үч айлык фьючерстердин баасы 0,3%га өсүп, бир тоннасы 11 653 долларды түзгөн. Ал эми соода учурунда баа эң жогорку чекке - 11 771 долларга чейин жетти.
ANZ Research аналитиктеринин айтымында, жеткирүүлөрдүн тартыштыгы рынокто шашылыш сатып алууларды күчөткөн. Жыл ичинде ири кендерде жаралган көйгөйлөр жездин жеткирилишине терс таасирин тийгизди. Жезди көп көлөмдө топтоп, сатып алып койгондор да көбөйдү. Мындай кадамдарга АКШда импортко бажы төлөмдөрү киргизилиши мүмкүн деген кооптонуулар да себеп болгон.
Ошондой эле Кытай бийлигинин экономиканы колдоо боюнча жаңы чаралары жана акча-насыя саясатын улантуу убадасы да баанын көтөрүлүшүн шарттаган.
