Акча алмашуу бюролорунун өкүлдөрү үчүн окутуучу семинар уюштурулду
КРнын Улуттук банкы жана «Альянс» алмашуу бюролорунун ассоциациясы менен биргеликте алмашуу бюролорунун кызматкерлери үчүн кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү чөйрөсүндө атайын окутуучу семинар өткөрүштү.
Улуттук банктын маалыматына караганда, семинардын жүрүшүндө Улуттук банктын ченемдик укуктук актыларынын жана КРнын мыйзамдарынын негизги талаптарын сактоо тууралуу маалымат берилди.
Ошондой эле тобокелдиктерди төмөндөтүү боюнча зарыл иш-чаралар, алмашуу бюролору үчүн кылмыштуу ишти каржылоого жана кылмыштуу кирешелерди легалдаштырууга каршы аракеттенүү боюнча суроолорго жооп берилип, статистика боюнча актуалдуу маселелер талкууланды.
Иш-чарага Улуттук банктын, алмашуу бюролорунун жана Альянстын өкүлдөрү катышышты.
