Кыргызстанда Санарип кодекси кабыл алынды
2025-жылдын 10-декабрында кибер-юридикалык форумда санариптик мыйзамдарды иштеп чыгуу консорциумунун алдыңкы өнөктөшү Татту Мамбеталиева Кыргызстанда Санарнип кодекси кабыл алынганын маалымдады. Бул кодекс технологияларды жана цифралык маалыматтарды жөнгө салуунун жаңы эрежелерин киргизет.
Мамбеталиеванын айтымында, кодекс технологиялык нейтралдуулукту негиздеп, бизнеске технологияларды өз алдынча тандоо мүмкүнчүлүгүн берет жана маалымат алмашуу жана өз ара аракеттенүү принциптеринин пайдасына административдик жөнгө салуудан четтейт.
Документте телекоммуникация сектору, маалыматтарды иштетүү борборлору, булут сервистери, санариптик тиркемелер жана экосистемалар үчүн укуктук жөнгө салуу каралган. Ошондой эле кодексте маалыматка, анын ичинде жеке, мейкиндиктик жана технологиялык маалыматка өзгөчө көңүл бурулат.
Мындан тышкары, мыйзам колдонуучулардын идентификациясы менен аутентификациясын так ажыратып көрсөтөт, санариптик документтердин укуктук маанисин аныктайт жана мамлекеттик органдар менен бизнес арасындагы маалымат алмашууну колдойт.
"Санариптик кодекс технологиялардын жана санариптик сервистердин эркин өнүгүүсүнө шарт түзөт, ал эми маалыматтар — санариптик башкаруунун борбордук элементи", — деди Т. Мамбеталиева.
