Байтикте 12 млн сомдук агрокомплекстин курулушу башталды
2024-жылдын 11-декабрында Чүй облусунун Байтик айылында Кыргызстан менен Түштүк Кореянын өнөктөштүгү алкагында "ДОД Компани" ишке ашырып жаткан көп тармактуу агроөнөржайлык комплекстин курулушуна капсула салуу аземи болуп өттү.
Иш-чарага министрлер кабинетинин төрага орун басары Бакыт Төрөбаев жана "ДОД Компани" компаниясынын башкы директору Ким Хеджун катышты. Жаңы объект мал чарбасын жана продукцияны кайра иштетүүнү комплекстүү өнүктүрүүгө багытталган. Демилге региондо толук циклдүү өндүрүш чынжырын түзүүгө мүмкүндүк берет.
Келечектеги комплекстин инфраструктурасы эки негизги объекттен турат:
заманбап этти кайра иштетүү ишканасы;
заводду туруктуу чийкизат менен камсыз кылуу үчүн 5 миң баш ири мүйүздүү малга ылайыкталган чоң мал байлоо аянты (фидлот).
Долбоорду ишке ашыруунун биринчи этабындагы инвестициялардын көлөмү 12 млн долларды түзөт. МинКабда белгилешкендей, ишкананын ишке кириши агрардык секторду модернизациялоого, аймактардын экономикалык потенциалын күчөтүүгө, жаңы жумуш орундарын түзүүгө жана жергиликтүү фермерлер үчүн продукцияны сатуунун кеңири мүмкүнчүлүктөрүн ачууга маанилүү кадам болот.
