"Бермет" дыйкан чарбасы: 30+20+10" долбоорунун ийгиликтүү мисалы
Суу ресурстары, айыл чарба жана кайра иштетүү өнөр жайы министрлигинин "30+20+10" долбоорунун алкагында Аламүдүн районуна караштуу Достук айылында "Бермет" дыйкан чарбасынын ишмердүүлүгү менен Кайра иштетүү өнөр жайы жана органикалык айыл чарба департаменти таанышты.
"Бермет" чарбасы "Акмаанай" бренди менен табигый айран жана быштак өндүрүп, тоют өстүрүүдөн тартып даяр продукция чыгарууга чейинки бардык өндүрүш этаптарын өз алдынча жүргүзөт. Мындай интеграцияланган иш "30+20+10" долбоорунун негизги концепциясын толук чагылдырат.
Чарба учурда сугат суунун жетишсиздигине байланышкан маселеге туш болуп, суу менен камсыздоону жакшыртуу боюнча көмөк сурады. Министрлик бул багытта тиешелүү чараларды көрүү үчүн абалды изилдеп жатат.
"Бермет" дыйкан чарбасы — системалуу башкаруунун үлгүсү. "30+20+10" долбоору мындай чарбаларды колдоого жана алардагы өндүрүштүк чынжырды чыңдоого багытталган.
