Келерки жылы Кыргызстанда акча которуулар үчүн комиссия алынбайт
Кыргызстандын Улуттук банкы 2026-жылдын 1-январынан тартып коммерциялык банктарга жана төлөм уюмдарына эсеп ачпастан алынган эл аралык акча которуулар үчүн жарандардан комиссия алууга толук тыюу киргизилерин эскертти.
Регулятор тиешелүү токтомду 2025-жылдын 3-декабрында кабыл алган. Убактылуу чара бир жылга — 2026-жылдын 31-декабрына чейин иштейт. Бул мезгил ичинде эл аралык акча которуу системалары аркылуу жүргүзүлгөн операциялар боюнча өлкө ичинде каражат алып жаткан жарандардан банктар жана төлөм уюмдары комиссия кармоого укуксуз.
Улуттук банк маанилүү жагдайды тактады: тыюу Кыргызстанда акча алганда кармалуучу комиссияларга гана тиешелүү. Чет өлкөдө жөнөтүүчү төлөөгө милдеттүү болгон комиссиялар бул чектөөгө кирбейт жана ошол өлкөлөрдүн операторлорунун тарифтери боюнча алынат.
Жаңы эрежелер чет өлкөдөн акча алган жарандардын каржылык жүгүн азайтууга багытталган.
