Кыргыз, кытай компаниялары Камбар-Ата-2, Үч-Коргон ГЭСтери боюнча долбоорлорду талкуулашты
Кытайдын Чэнду жана Дэян шаарларында "Электр станциялары" ААКнын башкы директору Алпбек Садыров CNEEC жана Sinohydro компанияларынын өкүлдөрү менен эки тараптуу жолугушууларды өткөргөнүн мекеменин басма сөз кызматы билдирди.
Жолугушууда Камбар-Ата-2 ГЭСинин экинчи гидроагрегатын ишке киргизүү жана Үч-Коргон ГЭСин реконструкциялоо долбоорлорунун ишке ашырылышы талкууланды.
Талкуунун жыйынтыгында даярдоо, тапшыруу жана курулуш-монтаж иштеринин аткаруу нөөмөттөрүн ыкчамдатуу боюнча макулдашууга жетишилди.
Үч-Коргон ГЭСинин реконструкциясы (ГА-2 жана ГА-1):
- 2026-жылдын 1-февралына чейин №2 гидроагрегат үчүн жабдуулардын 80%ын жеткирүү пландалууда;
- 2026-жылдын 1-июнуна чейин №1 гидроагрегат үчүн жабдуулардын 80%ы келип чыгат;
- долбоордук командалар техникалык адистер жана долбоор менеджерлеринен түзүлгөн;
- ГА-2 боюнча иштер 2026-жылдын 1-октябрына, ГА-1 боюнча — 2026-жылдын 1-ноябрында аяктары күтүлүүдө.
Камбар-Ата-2 ГЭСи (экинчи гидроагрегатты ишке киргизүү):
- долбоордук иштерди ылдамдатуу чечими кабыл алынды;
- турбинанын моделин сыноо 2026-жылдын январь айына белгиленди;
- 1-лот жана 2-лот боюнча даярдык, жеткирүү, монтаж жана ишке берүү мөөнөттөрү кыскартылды;
- 3-лот боюнча курулуш иштерин жана жер тилкелерине байланыштуу процедураларды тездетүү каралууда;
- заводдон чыгарылган жабдууларды текшерүү 2026-жылдын апрелинде жүргүзүлөт.
Сапардын алкагында делегация ошондой эле Үч-Коргон ГЭСинин эки гидроагрегаты үчүн жабдуулар чыгарылып жаткан АБР заводуна барды. Компания өндүрүштүн белгиленген нөөмөттө ылайык жүрүп жатканын билдирди.
Алынган макулдашуулар Кыргызстандагы гидроэнергетикалык инфраструктурага тиешелүү долбоорлорду өз мөөнөтүндө ишке ашырууга багытталган.
