Президент С.Жапаров салык мыйзамдарына өзгөртүү киргизүү жөнүндөгү мыйзамга кол койду. Кандай өзгөрүүлөр болот?

Президент Садыр Жапаров "Айрым экономикалык тармактарды колдоо чаралары жөнүндө" Жарлыкка жана аны коштогон салык мыйзамдарына өзгөртүүлөрдү киргизүү жөнүндөгү мыйзамга кол койду.

Президент Кабинет министрине бир айлык мөөнөттүн ичинде бул мыйзам долбоорун Жогорку Кеңешке кароо үчүн алып чыгууну тапшырды.

Өзгөртүүлөр Салык кодексине киргизилип, сатуу салыгынан (сатуу салыгы — 1–2%) бошотуу кыйла кеңейтилди.

Эмне өзгөрдү жана ким кандай утушка ээ болду?

364 (Сатуу салыгынан бошотуу)

• Болчу: транспорт каражаттары жана аларга керектелүүчү тетиктер бошотулган эмес
• Болот: эми толугу менен бошотулат — Кыргыз Республикасында өндүрүлгөн жана/же чогултулган транспорт каражаттары жана комплекттер

364, п.1

• Болчу: футбол үчүн салыктык бошотуу каралган эмес
• Болот: футбол тармагында иштеген уюмдар сатуу салыгынан бошотулат

364, п.15

• Болчу: бошотуу жок
• Болот: бажы кампасынын аймагында товарларды сатуу, иштерди аткаруу жана кызмат көрсөтүү сатуу салыгынан бошотулат

381 (мүлк салыгын эсептөө тартиби)

• Болчу: ижарага берилген бардык мүлк үчүн салыкты мүлк ээси өзү эсептеши керек болчу
• Болот: эми мүлк салыгын салык органы эсептейт — үч учурда:
  1. турак жай объектилери (үй, батир)
  2. жеке жактан жана жеке ишкерден (ЖИ) арендага алынган турак эмес имараттар
  3. айыл чарба багытындагы жер тилкелери

384¹ (мүлк салыгы боюнча отчеттуулук)

• Болчу: андай берене жок болчу
• Болот: жаңы берене — ижарачылар (жеке жак же ЖИ) 1-мартка чейин ижарага берилген объект жөнүндө маалыматты салыкка тапшырууга милдеттүү, болбосо — айып пул төлөтүлөт.

422 (Сатуу салыгы боюнча салык базасы)

• Болчу: башка ишмердүүлүктөн түшкөн кирешенин баары салыктан толук эсептелчү
• Болот: Кыргыз товардык биржасынын мүлкү менен операциялардан түшкөн киреше сатуу салыгынан бошотулат

423 (Сатуу салыгы ставкалары)

• Болчу: резидент эмес, КРден тышкары иш жүргүзгөн субъекттер үчүн — 1%
• Болот: ставка 0,1%га түшүрүлдү (10 эсе төмөн!) — КР аймагынан тышкары иш жүргүзгөн субъекттер үчүн

Ким эң көп утушка ээ болот:

• Кыргызстандагы автоөндүрүүчүлөр жана чогултуучу ишканалар — сатуу салыгынан толук бошотулат
• Футбол клубдары жана футбол федерациясы
• Бажы кампалары
• Үй жана имарат ээлери (ижарага алгандар) — эми мүлк салыгын салык кызматы өзү эсептейт
• Биржа трейдерлери
• Кыргызстан менен иштеген чет өлкөлүк компаниялар — Сатуу салыгы 1%дан 0,1%га төмөндөдү