Казакстанга тоок жумурткасын алып кирүүгө убактылуу тыюу салынды
Казакстандын Айыл чарба министрлиги тоок жумурткасын импорттоого убактылуу тыюу салганын "Информбюро" кабарлады.
"Казакстан Республикасына үчүнчү өлкөлөрдөн жана Евразиялык экономикалык союздун өлкөлөрүнөн бардык транспорт каражаттары аркылуу жаңы тоок жумурткасын (ЕАЭС тышкы экономикалык ишмердүүлүк товар коддору: 040721) алып кирүүгө бир айлык убактылуу тыюу салынды", – деп айтылат өлкөнүн Айыл чарба министрлигинин буйругунда.
Тыюу жаңы жумуртканын транзити үчүн колдонулбайт. "Азык-түлүк жумурткасынын импортун убактылуу чектөө ички товар өндүрүүчүлөрдү колдоо максатында киргизилди", – деп белгилешти министрликтен. Буйрук 11-декабрдан тартып күчүнө кирди. Белгилеп кетсек, Казакстанга жумуртка Кыргызстандан да импорттолот.
