Технологиялык парктарды өнүктүрүү боюнча Комиссиянын курамы бекитилди
МинКабдын 2025-жылдын 26-ноябрындагы №1022-т тескемеси менен Министрлер Кабинетинин алдындагы Технологиялык парктарды өнүктүрүү боюнча комиссиянын курамын бекитти.
Комиссиянын төрагасы болуп МинКаб Төрагасынын орун басары дайындалды. Комиссия төрагасынын орун басары — илим, жогорку билим берүү жана инновациялар министринин орун басары.
Комиссиянын курамына экономика жана коммерция, юстиция, финансы, жаратылыш ресурстары, экология жана техникалык көзөмөл, санариптик өнүгүү жана инновациялык технологиялар, курулуш, архитектура жана турак жай-коммуналдык чарба министрликтеринин орун басарлары, ошондой эле мамлекеттик органдардын жана илимий-билим берүү мекемелеринин өкүлдөрү кирди.
Тактап айтканда, Комиссиянын курамына төмөнкүлөр кирет:
- Улуттук инвестициялар агенттигинин директорунун орун басары;
- Мамлекеттик салык кызматынын төрагасынын орун басары;
- Мамлекеттик бажы кызматынын төрагасынын орун басары;
- Мамлекеттик мүлктү башкаруу боюнча мамлекеттик агенттиктин директорунун орун басары;
- Кыргыз Республикасынын Улуттук илимдер академиясынын вице-президенти;
- Соода-өнөр жай палатасынын төрагасынын орун басары;
- И. Раззаков атындагы Кыргыз мамлекеттик техникалык университетинин ректору;
- Ош мамлекеттик университетинин ректору;
- "Муса Рыскулбеков атындагы Кыргыз экономикалык университети" илимий-изилдөө университетинин ректору.
Комиссия Кыргыз Республикасында технологиялык парктарды өнүктүрүү жана алардын ишмердүүлүгүн координациялоо маселелерин алып барат.
