Япония менен Кыргызстан биотехнологиялар жаатында кызматташууну талкуулады
Токиодо өткөн "Борбордук Азия + Япония" бизнес-форумунун алкагында Улуттук инвестициялар агенттигинин жетекчиси Равшанбек Сабиров JFR Co. Ltd. компаниясынын жетекчиси Номибицу Акаэ менен биотехнология тармагындагы кызматташтыктын келечегин талкуулоо боюнча жолугушуу өткөргөнүн агенттиктин басма сөз кызматы билдирди.
Маалыматка ылайык, жолугушуунун жүрүшүндө Япониянын сапат стандарттарын жана JFR Co. Ltd. компаниясынын технологияларын колдонуу менен Кыргызстанда адамдардын жана жаныбарлардын ден соолугун жакшыртууга багытталган пробиотиктерди өндүрүү мүмкүнчүлүктөрү талкууланды.
Ошондой эле тараптар Кыргызстандын агроөнөр жай секторуна заманбап биотехнологиялык чечимдерди киргизүү аркылуу айыл чарба өндүрүшүнүн натыйжалуулугун жана туруктуулугун жогорулатуу перспективаларын карап чыгышты.
Жолугушуунун жыйынтыгында тараптар биотехнология тармагындагы кызматташтыкты мындан ары өнүктүрүүгө жана мүмкүн болгон биргелешкен долбоорлорду иштеп чыгууга өз ара кызыкдар экендиктерин билдиришти.
