"Унаа" кепилдиги менен бир айда 29 адам баштапкы төлөмсүз автоунаа сатып алды
Кепилдик фонд жарандардын баштапкы төлөмсүз, ата мекендик куроодогу автоунааларды сатып алуусуна жеткиликтүүлүктү кеңейтүүнү улантууда. Акыркы айда "Унаа" продуктусу боюнча 29 кепилдик берилди. Анын аркасында жарандар автокредит алып Tulpar Motors ишканасы чыгарган Chevrolet автоунааларын сатып алышты.
"Унаа" продуктусу ишке киргизилгенден бери жалпысынан 87 кыргызстандык алгачкы төлөмсүз ата мекендик куроодогу автоунаанын ээси болду.
2025-жылдын 17-декабрына карата "Унаа" продуктусу боюнча берилген кепилдиктердин жалпы суммасы 35,5 млн сомду түзүп, жарандарга 156,4 млн сомдон ашык суммага автокредит алууга мүмкүнчүлүк берди.
"Унаа" продуктусу 2025-жылдын март айында ишке киргизилген "Автокредит - 2ни жеңилдетилген каржылоо" мамлекеттик программасынын алкагында жүзөгө ашырылууда. Долбоор ата мекендик өндүрүштөгү жеңил жана коммерциялык транспортко болгон суроо-талапты колдоого, ошондой эле калк үчүн автокредит алуунун жеткиликтүүлүгүн жогорулатууга багытталган.
"Унаа" кепилдиги "Элдик Банк" ААКсы жана "Айыл Банк" ААКсы аркылуу автокредит тариздеген учурда кыргыз жыйындысындагы Chevrolet маркасындагы каалаган моделди алууга мүмкүнчүлүк берет.
