Экономика

Кыргызстандын, Кытайдын курулуш материалдарын чыгарган компаниялары жолугушту

Ишкер Media

20 дек. 2025 17:05

Экономика министрлигине караштуу Кытайдагы Соода өкүлчүлүгү Үрүмчү шаарында Курулуш министрлиги менен биргеликте кыргызстандык жана кытайлык курулуш материалдары боюнча компаниялардын жолугушуусун уюштурганын Экономика министрлиги маалымдады.

Ведомствонун маалыматына ылайык, иш-чарага түз жеткирүүлөрдү жолго коюу жана курулуш материалдарын жаңыртуу маселелерин карап жаткан 30дан ашуун ири кыргыз курулуш жана девелопердик компаниялардын өкүлдөрү катышты. Кытай тараптан Үрүмчү шаарынан курулуш материалдарын жана ар кандай жабдыктарды өндүргөн 70тен ашуун компания өкүлдөрү катышты.

Уюштуруучулар жолугушуунун негизги максаты катары эки өлкөнүн бизнес чөйрөлөрүнүн ортосунда түз диалог үчүн аянтча түзүүнү белгилешти. Катышуучулар өндүрүштүк мүмкүнчүлүктөрдү, техникалык мүнөздөмөлөрдү жана стандарттарды, ошондой эле жеткирүүнүн логистикалык схемаларын талкуулашты. Экономика министрлиги түз байланыштар Кыргызстандын курулуш тармагынын атаандаштыкка жөндөмдүүлүгүн жана технологиялык жаңылануусун колдоого тийиш экенин белгиледи.

Иш-чара Кыргыз Республикасынын Экономика министрлигине караштуу Кытайдагы Соода өкүлчүлүгү тарабынан ыйгарым укук берилген "Кыргыз-Кытай (СУАР) соода-экономикалык кызматташтык борборунун" ишмердүүлүгүнүн алкагында өткөрүлдү. Белгиленгендей, борбордун иши Соода өкүлчүлүгү менен биргеликте мындан ары да улантылат.

Мындан тышкары окуңуз

Жалал-Абадда жолдорду кеңейтүү иштери жүрүүдө

Жалал-Абад облусундагы Кара-Дарыя – Нефти – Пром – Үч-Мазар – Дөш унаа жолун кеңейтүү иштери дээрлик аяктап, учурда шагыл төшөө жумуштары жасалууда. Бул тууралуу Транспорт жана коммуникациялар министрлигинин маалымат кызматы билдирди. Маалыматка ылайык, мурда бул жолдун туурасы болгону 7 метр болуп, тар жана асфальтталбаган жол болгон. Азыр ал 10-12 метрге чейин кеңейтилип, заманбап талаптарга

Садыр Жапаров "Эмгекти коргоо жөнүндө" мыйзамга кол койду

Президент Садыр Жапаров "Эмгекти коргоо жөнүндө" Кыргыз Республикасынын Мыйзамына кол койду. Документ 2026-жылдын 22-апрелинде Жогорку Кеңеш тарабынан кабыл алынган. Жаңы редакциядагы мыйзам жарандардын эмгек ишмердүүлүгүнүн жүрүшүндө өмүрүн жана саламаттыгын коргоого болгон конституциялык укуктарын камсыздоого багытталган. Ошондой эле кызматкерлер менен иш берүүчүлөрдүн эмгекти коргоо жаатындагы өз ара мамилелеринин укуктук

Жогорку Кеңештин мурдагы депутаты Мыктыбек Абдылдаев каза болду

Жогорку Кеңештин мурдагы депутаты, мамлекеттик жана коомдук ишмер Мыктыбек Абдылдаев 72 жаш курагында көз жумду. Бул тууралуу анын жакындары ырасташты. Мыктыбек Абдылдаев Кыргызстандын Башкы прокурору, Ички иштер министри, Президенттик администрациянын жетекчиси жана Коопсуздук кеңешинин катчысынын орун басары кызматтарында эмгектенген. 2010-2021-жылдары Жогорку Кеңештин депутаты болуп, мыйзамдуулук, укук тартиби жана кылмыштуулукка каршы

ӨКМ башчысы селден жабыркаган аймактарды кыдырды

Өзгөчө кырдаалдар министри Канатбек Чыныбаев Ош облусунун Кара-Суу жана Алай райондорундагы селдин кесепеттерин жоюу жана калыбына келтирүү иштеринин жүрүшү менен таанышты. ӨКМдин маалыматына ылайык, иш сапардын алкагында министр Кара-Суу районундагы Ош – Эркечтам унаа жолунун 7-чакырымында жайгашкан "Муян" каналын кеңейтүү иштерин жеринен көрүп чыкты. Ал тиешелүү кызматтарга жумуштарды өз