Кыргыз токендери бүгүн Binance криптовалюта биржасында сатыла баштайт

Кыргыз токендери бүгүн Binance криптовалюта биржасында сатыла баштайт

Эң ири криптовалюта биржасы Binance өзүнүн спот платформасында жеткиликтүү соода инструменттеринин тизмесин кеңейтүү планын жарыялаганы анын расмий сайтындагы маалыматта айтылат.

Компаниянын билдирүүсүнө ылайык, жаңы KGST/USDT жубу үчүн соода 2025-жылдын 24-декабрында саат 8:00дө башталат.

Белгилей кетсек, KGST – Кыргызстандын улуттук стейблкоини, кыргыз сомуна 1:1 катышында байланган. Буга чейин токендерди криптовалюта аянттарында жайгаштыруу үчүн тесттик операциялар жүргүзүлгөн болчу. KGST стейблкоининин корлору(запастары) өлкөнүн мамлекеттик банктарында сакталып турат.

Колдонуучулар сооданы баштоого даярдануу үчүн KGST токенин Binance эсептерине сала алышат. Биржадан KGST акчасын алуу 2025-жылдын 25-декабрында болжол менен саат 8:00дө (UTC) күтүлүп жатат.

Кошумчалай кетсек, KGST стейблкоини санариптик экономиканы өнүктүрүү боюнча улуттук программанын алкагында ишке киргизилген. Ал BNB Chain блокчейнинде иштейт. Бул эсептешүүлөрдү жана санариптик активдерди Кыргызстандын жана аймактын каржы системасына интеграциялоону жөнөкөйлөштүрүү үчүн иштелип чыккан.

Мындан тышкары окуңуз

МинКаб улуттук экономиканын субъекттерине кепилчилик берүү тартибин жаңыртты

МинКаб улуттук экономиканын субъекттерине кепилчилик берүү тартибин жаңыртты

Министрлер Кабинети 2025-жылдын 11-декабрындагы №799 токтомду кабыл алып, улуттук экономиканын субъекттерине кепилчилик берүү тармагындагы бир катар чечимдерге өзгөртүүлөрдү киргизди.Мамлекеттик тилдеги документтерде "кепилдик" деген термин "кепилчилик" деп алмаштырылды. Кепилчилик Кыргыз Республикасынын юридикалык жактарга - резиденттерге МинКабдын чечими жана Жогорку Кеңештин тиешелүү комитетинин макулдашуусу аркылуу, кредит, лизинг

Кыргызстан быйыл негизги 6 азык-түлүк менен өзүн өзү камсыздады

Кыргызстан быйыл негизги 6 азык-түлүк менен өзүн өзү камсыздады

Айыл чарба министрлиги жыл жыйынтыгын чыгарып Кыргызстан быйыл калктын негизги 9 азык-түлүк продуктусунун ичинен 6 түрү — сүт, эт, картошка, жашылчалар, кант жана жумуртка боюнча өзүн өзү камсыздаганын билдирди. Жыл ичинде агрардык сектордогу макроэкономикалык абал туруктуу бойдон калган. Айыл чарбасынын жалпы дүң продукциясынын көлөмү 437 млрд сомдон ашып, өткөн жылга салыштырмалуу

Бул жылы кайра иштетүү өнөр жайында 95,2 млрд сомдук продукция өндүрүлдү

Бул жылы кайра иштетүү өнөр жайында 95,2 млрд сомдук продукция өндүрүлдү

2025-жылы Суу ресурстары, айыл чарба жана кайра иштетүү өнөр жайы министрлигинин макроэкономикалык абалы туруктуу сакталып, айыл чарба продукциясынын дүң өндүрүү көлөмү 437 миллиард сомдон ашты. Бул көрсөткүч өткөн жылга салыштырмалуу 102%ды түздү. Министрликтин маалыматына ылайык, кайра иштетүү өнөр жай продукцияларынын өндүрүшү 95 миллиард 230 миллион сомго жетип, өткөн жылга

Президенттин сунушу менен Эсептөө палатасынын аудитору кызматынан мөөнөтүнөн мурда бошотулду

Президенттин сунушу менен Эсептөө палатасынын аудитору кызматынан мөөнөтүнөн мурда бошотулду

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитети кечээ Эсептөө палатасынын аудитору Бадахшан Рыскулиевди кызматынан мөөнөтүнөн мурда бошотууга макулдук берди. Парламенттеги президенттин ыйгарым укуктуу өкүлү Алмасбек Абытовдун айтымында, Рыскулиев бул кызматка мамлекет башчысынын квотасы менен дайындалган. Ушуга байланыштуу президент Садыр Жапаров Эсептөө палатасынын төрагасы Алмазбек Акматовдун сунушунун негизинде