"Кант ШПТ" ЖЧКсы "Эң мыкты экспорттоочу" болду
Экономика жана коммерция министрлигине караштуу "Кыргыз Экспорт" мекемеси уюштурган "Эң мыкты экспорттоочу – 2025" улуттук конкурсу жыйынтыкталды. Конкурстун жыйынтыгы боюнча "Кант ШПТ" ЖЧКсы абройлуу "Өнөр жай продукциясын экспорттоодо эң мыкты экспорттооч" номинациясында биринчи орунду ээледи.
Мындай жогорку баа заводдун продукциясын Казакстан, Өзбекстан жана Россиянын рынокторуна ири көлөмдө экспорттоосу менен шартталган. Бул өлкөгө валюта каражаттарынын туруктуу түшүшүн камсыз кылып, аймактын экономикасын бекемдөөгө өбөлгө түздү.
Мамлекеттик деңгээлде таанылуу ишкананын жогорку статусун тастыктады. Бул жетишкендик продукциянын туруктуу жогорку сапаты, экспорттук көрсөткүчтөрдүн туруктуу өсүшү жана өлкөнүн өнөр жай потенциалын өнүктүрүүгө кошкон маанилүү салымы аркылуу камсыз болду.
Бүгүнкү күндө "Кант ШПТ" республиканын эң ири 10 өндүрүш ишканасынын катарына кирет. 58 жылдык тарыхка ээ завод заманбап өнөр жай комплексине айланып, анда 547 кызматкер жыл сайын 6,5 миллион даана курулуш материалдарын өндүрүп чыгарат.
