Келерки жылдын апрель айынан тарта машыктыруучулардын, артисттердин маянасы жогорулайт
Президент Садыр Жапаров IV Элдик курултайдын жүрүшүндө 2026-жылдын апрелинен тартып артисттердин айлыгы 46 миң 500 сом болорун, социалдык жана салыктык төлөмдөрдөн кийин колуна 39 миң сом аларын билдирди.
"Машыктыруучулардын орточо айлыгы жогорулатылгандан кийин 58 миң 900 сомду түзөт, ал эми бардык төлөмдөрдөн кийин колуна 45 миң сом алат.
Ошондой эле техникалык жана тейлөөчү персоналдын эмгек акысы 2026-жылдын апрелинен тартып бир ставка үчүн 5 миң сом өлчөмүндөгү президенттик компенсация кошулгандан кийин орточо эсеп менен 80%га өсөт",-дейт өлкө башчы.
Президент белгилегендей, бул эмгек акыны жогорулатуу боюнча кабыл алынган чечимдер аталган кызматкерлердин коомдогу ордун бекемдөөгө жана улуттун өнүгүшүнө кошкон баа жеткис салымын белгилөөгө багытталган.
