Айыл чарба өсүмдүктөрүн спутниктен картографиялоого 6 млн. 791,9 млн сом бөлүнөт
Суу ресурстары, айыл чарба жана кайра иштетүү өнөр жайы министрлиги айыл чарба өсүмдүктөрүн спутниктен картографиялоо кызматтарын сатып алуу жана адистерди окутуу боюнча тендер жарыялады.
Мамлекеттик сатып алуулар порталы билдиргендей, бул максатка 6 миллион 791,9 миң сом бөлүү пландалган. Жеткирүүчүлөрдүн сунуштарын кабыл алуу мөөнөтү — 2025-жылдын 31-декабрына чейин.
Долбоордун максаты — айыл чарба жерлерин ыкчам мониторинг кылуунун заманбап тутумун түзүү. Бул эгин айдоо боюнча маалыматтардын тактыгын жогорулатууга, өсүмдүктөрдүн абалын баалоого, түшүмдүүлүктү болжолдоого жана Кыргызстандын агроөнөр жай комплексинде башкаруучулук чечимдерди кабыл алууга колдоо көрсөтүүгө багытталган.
Аткаруучу республика аймагындагы айыл чарба жерлерин камтыган көп спектрдүү спутниктик сүрөттөрдү камсыз кылууга милдеттүү.
Буга чейин Кыргызстанда айыл чарбасына спутниктик технологиялар киргизилип жатканы, алардын негизинде беш айыл чарба өсүмдүгү боюнча мониторинг жүргүзүлгөнү маалымдалган.
