Бир жылдын ичинде 291 социалдык объект пайдаланууга берилди
2025-жылы республикалык бюджеттен социалдык-маданий багыттагы объекттердин курулушу жана капиталдык оңдоп-түзөөсү үчүн жалпы 15,5 млрд сом бөлүнгөн. Бул 2024-жылдагы 11,6 млрд сомго салыштырмалуу 33,6 пайызга көп.
Мындай билдирүүнү Курулуш, архитектура жана турак-жай-коммуналдык чарба министрлигинин басма сөз кызматынан кабарлашты.
Билдирүүгө караганда, 2025-жылы Курулуш министрлиги менен жергиликтүү бийлик органдары тарабынан өлкө аймагында 291 социалдык объект курулуп же капиталдык оңдоп-түзөөдөн өткөрүлүп, пайдаланууга берилген. Мындан тышкары, 183 чакан объектте иштер толук аяктады. Бул көрсөткүч 2024-жылга салыштырмалуу 20,96 пайызга жогору.
291 объектинин аймактар боюнча бөлүштүрүлүшү:
Жалал-Абад облусу – 80,
Ош облусу – 63,
Ысык-Көл облусу – 39,
Чүй облусу – 34,
Баткен облусу – 22,
Нарын облусу – 21,
Бишкек шаары – 13,
Ош шаары – 10,
Талас облусу – 9.
Алардын ичинде: мектептер – 129, бала бакчалар – 60, саламаттык сактоо объекттери – 26, спорт объекттери – 27, маданият объекттери – 8, башка объекттер – 34, таза суу системалары – 7.
Аткарылган иштер социалдык инфраструктураны өнүктүрүүгө жана калктын жашоо шарттарын жакшыртууга багытталган.
