Мамлекеттик ишканалар таза кирешесинин 50%ын бюджетке которуудан бошотулат
Кыргызстанда мамлекеттик ишканалардын материалдык-техникалык базасын жаңылоону жана модернизациялоону колдоо максатында алардын таза кирешесин пайдалануу тартиби кайра каралды.
Токтомго ылайык, мамлекеттик ишканалар 2022–2030-жылдар аралыгында таза кирешесинин 50%ын республикалык бюджетке которуудан бошотулат.
2026–2030-жылдары бул каражаттарды:
- өндүрүштү өнүктүрүүгө,
- модернизациялоого,
- материалдык-техникалык базаны кеңейтүүгө
багыттоого уруксат берилет.
Мындан тышкары, мамлекеттик ишканаларды башкаруу боюнча колдонулуп жаткан нормаларга да өзгөртүүлөр киргизилди. Атап айтканда:
- ишканалардын жетекчилигине коюлган талаптар такталды;
- отчеттуулукту тапшыруу мөөнөттөрү өзгөртүлдү;
- жаңы эрежелер колдонулуучу уюмдардын тизмеси кеңейтилди.
Мамлекеттик мүлктү башкаруу боюнча мамлекеттик агенттик жана Финансы министрлиги пайданы которуу пландарына тиешелүү өзгөртүүлөрдү киргизүүгө тийиш. Ошондой эле, 2025–2027-жылдарга республикалык бюджет жөнүндө мыйзамга өзгөртүүлөрдү даярдоодо мамлекеттик ишканалардын кирешелерин жаңыча бөлүштүрүү эске алынат.
Белгиленгендей, бардык мамлекеттик ишканалар таза кирешенин пайдаланылышы боюнча ыйгарым укуктуу органдарга квартал сайын отчет берүүгө милдеттүү.
