МинКаб 2026-2027-жылдарга карата бюджеттик өзгөртүүлөрдү бекитти
МинКаб 2025-жылдын 15-декабрындагы №810 токтому менен 2025-жылга республикалык бюджетке жана 2026–2027-жылдарга карата пландуу мезгилге өзгөртүүлөрдү бекитти. Бул өзгөртүүлөр Жогорку Кеңештин жаңы чакырылышы түзүлгөндөн кийин бир айдын ичинде парламенттин кароосуна киргизилет.
2025-жылга бюджеттин негизги көрсөткүчтөрү
- Кирешелер: 605,5 млрд сом
- Чыгашалар: 590,1 млрд сом
- Сальдо (айырма): 15,4 млрд сом
Бул көрсөткүч мурда каралган 24 млрд 297 млн 867 миң сомдун ордуна такталган.
Турукташтыруу фонду
2025-жылы бюджеттин чыгаша бөлүгү аркылуу Турукташтыруу фондунун каражаттарын түзүү булактарына 89 млрд 094 млн 401,8 миң сом (89,1 млрд сом) которуу каралган.
Капиталдык салымдар
2025-жылга карата капиталдык салымдардын жалпы көлөмү 51,7 млрд сом деп аныкталды, анын ичинде:
- 23 млрд сом — артыкчылыктуу объекттерге:
- социалдык объекттер,
- ичүүчү суу,
- ирригация,
- жолдор,
- коопсуздук,
- стратегиялык объекттер;
- 28,7 млрд сом — коммерциялык банктарда депозит катары жайгаштырылуучу мамлекеттик облигацияларды чыгаруу эсебинен.
Мындан тышкары, 5-беренедеги өзүнчө сумма 1 млрд 500 миң сомдон 1 млрд 200 миң сомго чейин кыскартылды.
Бишкек шаары боюнча
Бишкек шаарына билим берүү мекемелеринин эмгек акы фондунун чыгымдарынын бир бөлүгүн жабуу үчүн 3 млрд сом өлчөмүндө максаттуу трансферттер каралган.
