Сахалин облусунан Азербайжан, Кыргызстан жарандары сыртка чыгарылды
Сахалин облусунун сот аткаруучулары миграциялык мыйзамдарды бузган чет өлкөлүк жарандардын кезектеги тобун аралдан чыгарып жибергени маалымдалды. Алардын баары Борбор Азия өлкөлөрүнөн акча табуу максатында келген, бирок иштөөгө зарыл болгон документтерди расмий түрдө тариздешкен эмес.
Текшерүү учурунда Азербайжан, Кыргызстан жана башка мамлекеттерден келген мигранттардын миграциялык карталарынын мөөнөтү өтүп кеткендиги аныкталган. Ошондой эле алардын жашаган жери боюнча каттоосу, эмгек келишимдери же патенттери болгон эмес. Укук коргоо органдары Россия Федерациясында болуу эрежелерин бузгандыгы үчүн ар бир чет өлкөлүк жаранга административдик протокол түзүшкөн.
Сот ар бир мыйзам бузууга 2 миң рубль өлчөмүндө айып пул салып, Россия Федерациясынын аймагынан мажбурлап чыгаруу тууралуу чечим чыгарган. Бардык документтер таризделгенден кийин сот аткаруучулары чет өлкөлүк жарандарды мамлекеттик чек арага чейин коштоп барышкан. Эми бул жарандарга Россияга беш жыл бою кирүүгө тыюу салынды.
