Айтматов районунун бюджети 5 жылда 3 эседен ашык өстү

Айтматов районунун жергиликтүү бюджетинин көлөмү 2021-жылдагы 186 млн сомдон 2025-жылы 619,1 млн сомго жетти. Бул тууралуу президент Садыр Жапаровго бүгүн Талас облусуна болгон иш сапарынын алкагында райондун социалдык-экономикалык өнүгүүсү боюнча маалымат берилген учурда айтылды.

Маалыматка караганда, 2026-жылдын жыйынтыгы боюнча бюджеттин көлөмү 625 млн сомго чейин көбөйөрү күтүлүүдө.

Ал эми районго тартылган инвестициялардын көлөмү 2021-жылдагы 530 млн сомдон 2025-жылы 1,6 млрд сомго чейин өстү.

Ошондой эле 2025-жылы райондогу өнөр жай өндүрүшүнүн көлөмү 1,2 млрд сомду түзгөн. Ал эми 2026-жылдын тогуз айында бул көрсөткүч 1,05 млрд сомго жеткен.