Ипотекалык батир берүүдө мигранттарга жеңилдиктер болот
Ипотекалык батир маселесинде мигранттарга өзүнчө кезек түзүү же жеңилдиктерди берүү мүмкүнчүлүгү карала тургандыгын өлкө башчысы “Кабар” агенттигине берген маегинде айтты.
“Бүгүнкү күндө Мамлекеттик ипотекалык компания миллиарддаган уставдык капиталы бар ири институтка айланды. Азыркы уставдык капиталы — 87,5 млрд сом, келечекте 200 миллиард сомго жеткиребиз деп турабыз.
Эгер батирлерди өздүк наркында берсек, компания бат эле банкрот болуп калмак. Анткени 25 жылдык мөөнөт, инфляциянын таасири жана компаниянын минималдуу кирешеси да эске алынууга тийиш. Ошондуктан баа саясаты ушундай болуп жатат.
Ошого карабастан, мигранттарга өзүнчө кезек түзүү же жеңилдиктерди берүү мүмкүнчүлүгүн карап чыгабыз. Ошондой эле мүмкүнчүлүгү чектелген жарандар үчүн батирлерди азыркыдан да арзанырак берүү маселесин кошумча талдап көрөбүз”,-деди Жапаров.
