Шакиранын концертине 30 миңге жакын турист келери күтүлүүдө
Дүйнөлүк ырчы, Шакиранын концертине 60 миңге жакын көрүүчү келери күтүлүп жатат. Бул тууралуу Туризмди өнүктүрүү боюнча мамлекеттик агенттиктин директору Эдуард Кубатов билдирди.
Анын айтымында, “Бишкек Арена” спорттук иш-чаралар менен катар ири маданий музыкалык жана эл аралык иш-чараларды өткөрүү үчүн жаңы мүмкүнчүлүктөрдү ачат.
“Алдыда өтө турган Шакиранын концерти Кыргызстанда окуялык туризмди өнүктүрүүгө, чет өлкөлүк туристтердин агымын көбөйүүгө жана өлкөнүн экономикасына кошумча киреше тартууга өбөлгө түзө турган ири эл аралык иш-чаралардын бири болот. Мисалга алсак, Шакиранын концертине келген турист жок дегенде 940 доллар коротот. Ага мейманкана тамак ашы, концерт кирет. Ал эми бизге 30 миң чет элдик турист келгени турат”, - деди Кубатов.
Эске салсак, Шакиранын концерти 18-октябрда “Бишкек аренада” өтөт.
