"Кыргызпочтасынын" негизинде "Почта Банк" түзүлүшү мүмкүн
Улуттук банкка "Почта Банк" коммерциялык банкын түзүү боюнча документтер тапшырылды. Бул банкта калкка банктык кызматтарды көрсөтүү үчүн агенттик тармак катары "Кыргызпочтасы" ААК колдонулат.
Маалыматка ылайык, "Почта Банк" коммерциялык банкы Улуттук банктын колдонуудагы мыйзамдарына жана нормативдик-укуктук актыларына ылайык, агенттик модель аркылуу негизги банктык кызматтарды көрсөтүүнү пландап жатат.
Банкка лицензия берүү жөнүндө чечим сунушталган материалдарды комплекстүү баалоонун жыйынтыгында, анын ичинде уставдык капиталга жана банк түзүү үчүн зарыл болгон башка көрсөткүчтөргө шайкештигин эске алуу менен кабыл алынат.
2025-жылы Улуттук банк алты жаңы коммерциялык банкты ачууга уруксат берген, алар:
- "Берекет Банк" ЖАК,
- "Алма Финанс Банк" ЖАК,
- "Мурас Банк" ЖАК,
- "Асман Банк" ЖАК,
- "Кылым Банк" ААК.
Министрлер Кабинетинин 2022-жылдын 8-апрелиндеги №203 токтому менен "Кыргызпочтасы" мамлекеттик ишканасы 100% акциясы мамлекеттин менчигинде калган ачык акционердик коом болуп кайра түзүлгөн.
Почта байланыш башкармалыктарынын негизинде "Кыргызпочтасы" ААКнын филиалдык тармагы түзүлүп, почта байланышынын аймактык түзүмдөрүн башкаруунун бирдиктүү системасы киргизилген. Бул система бухгалтердик, салыктык жана башкаруучулук эсептин бирдиктүү принциптерине негизделет.
Учурда "Кыргызпочтасы" ААК толук өзүн-өзү каржылоо шартында иш алып барган, стратегиялык мааниге ээ субъект болуп саналат жана калкка социалдык жактан маанилүү почта жана финансылык кызматтарды көрсөтүп келет.
