Евробиримдик 2026–2027-жылдары Сирияга 722 млн доллар каржылык жардам көрсөтөт
Евробиримдиктин жогорку даражалуу өкүлдөрү 9-январда Сирияга алгачкы ирет расмий сапар менен барып, өлкөнүн убактылуу президенти Ахмад аш-Шараа менен жолугушканын "Азаттык" жазды.
Еврокомиссиясынын төрайымы Урсула фон дер Ляйен жана Еврокеңештин төрагасы Антониу Кошта Сирияны дээрлик 14 жылга созулган жарандык согуштан кийин калыбына келтирүү аракеттерин колдорун билдиришти.
Аш-Шараа эл аралык деңгээлде активдүү дипломатиялык аракеттерди жүргүзүп, Башар Асаддын тушунда Сириядан алыстап кеткен Батыш жана араб өлкөлөрү менен мамилелерди кайра жандандырып жатат.
Сапардын жүрүшүндө Антониу Кошта Евробиримдик 2026–2027-жылдары Сирияга 620 млн евро (722 млн доллар) көлөмүндө каржылык жардам көрсөтөрүн билдирди. Бул каражат гуманитардык жардамга жана калыбына келтирүү иштерин баштоого багытталат.
Асаддын бийлиги маалында санкциялардан улам реконструкцияга жардам берүү токтотулган эле, бирок азыр ал чектөөлөр алынган.
"Европа Сириянын калыбына келишине жана кайра курулушуна колдон келгендин баарын жасайт", — деп жазды Урсула фон дер Ляйен X социалдык тармагында.
