Жеке ишкерликти кайра каттоо 10 мүнөттү гана алат
Кыргызстандын Салык кызматы индивидуалдык ишкерлерди онлайн түрдө кайра каттоочу сервисти Cabinet.salyk.kg порталына киргизгенин ведомствонун басма сөз кызматы кабарлады.
Жаңы санариптик чечим ишкерлерге каттоо маалыматтарын алыстан, салык органдарына жеке барып-келбестен өзгөртүүгө мүмкүнчүлүк берет. Мурда бул процедура 2–3 иш күнүн талап кылса, эми ал толугу менен автоматташтырылып, орто эсеп менен 5–10 мүнөттүн ичинде бүтөт.
Сервис күнү-түнү иштейт жана дүйнөнүн каалаган жеринен жеткиликтүү.
"Салык төлөөчүнүн жеке кабинети" жаңыртылган алкагында функция үч негизги жаңы опция менен кеңейтилди. Эми ишкерлер өз алдынча төмөнкүлөрдү жасай алышат:
- юридикалык дарек өзгөргөн учурда салык каттоосу районун өзгөртүү;
- башка салык режимин тандоо же реквизиттерди жаңылоо;
- жаңы экономикалык ишмердүүлүк түрлөрүн кошуу.
Кызматты алуу үчүн платформага кирип авторизациядан өтүү, ыкчам панели аркылуу "Жеке ишкерликти кайра каттоо" бөлүмүнө кирүү, электрондук форманы толтуруу жана өзгөртүүлөрдү сактоо жетиштүү.
Долбоор "Өкмөттүк акселераторлор" программасынын алкагында ишке ашырылып, чакан жана орто бизнес үчүн салык процедураларын жеңилдетүүгө багытталган.
