Тигүү жана текстиль тармагындагы салык төлөмдөрү азайды
Салык кызматы 2025-жылдын 31-декабрындагы Кыргыз Республикасынын Мыйзамына ылайык тигүү жана текстиль өнөр жайынын субъекттери үчүн киреше салыгынын ставкалары жана камсыздандыруу төгүмдөрүнүн тарифтери төмөндөтүлгөнүн маалымдайт.
Мыйзамга ылайык, 2026-жылдын 1-январынан тарта бул тармактагы ишкерлер ар бир кызматкер үчүн камсыздандыруу төгүмдөрүн орточо айлык эмгек акынынын 12% өлчөмүндө төлөшөт, бул сумма 2 115,5 сомду түзөт. Киреше салыгы орточо айлык эмгек акынын 1% өлчөмүндө болуп, 440,7 сомду түзөт. Натыйжада, бир кызматкер үчүн жалпы төлөмдөр 2 556,2 сомду түзөт.
Белгилей кетсек, 2026-жылы орточо айлык эмгек акы 44 070 сом деп белгиленди.
Бул өзгөртүүлөр ата мекендик өндүрүүчүлөрдү колдоого, салыктык жүктү азайтууга жана башкарууну жакшыртууга багытталган. Ошондой эле, алар өндүрүштү өнүктүрүү, продукциянын ички жана тышкы рыноктордогу атаандаштыкка жөндөмдүүлүгүн жогорулатуу, жумуш менен камсыздоону стимулдаштыруу жана тармактын экспорттук потенциалын өстүрүү үчүн жагымдуу шарттарды түзөт.
