Виртуалдык активдер рыногунун катышуучуларына коюлуучу талаптар күчтөндүрүлөт
Министрлер Кабинети виртуалдык активдер чөйрөсүн мындан ары жөнгө салууга жана крипторынокту өнүктүрүү үчүн туруктуу шарттарды түзүүгө багытталган токтом кабыл алды.
Документке ылайык, виртуалдык активдер боюнча кызмат көрсөтүүчү иштеп жаткан субъекттер 2026-жылдын 1-мартына чейин уставдык капиталдын минималдуу өлчөмүн виртуалдык активдер менен соода жүргүзүү операторлорунун (криптобиржалардын) ишмердүүлүгү жөнүндө жободо белгиленген талаптарга ылайык келтирүүгө милдеттүү. Бул талаптар 2022-жылдын 16-сентябрындагы № 514 токтом менен бекитилген.
Ошол эле учурда МинКабдын 2025-жылдын 6-мартындагы № 117 токтомунун 2-пункту күчүн жоготту деп табылды. Аталган пункт аркылуу буга чейин виртуалдык активдерди жөнгө салуу эрежелерине өзгөртүүлөр киргизилген болчу.
Токтом 2026-жылдын 1-январынан тартып күчүнө кирет.
