Кыргызстан инвесторлорго 30 жылдык виза жана салык жеңилдиктерин берүүнү пландап жатат
Кыргызстан тышкы инвесторлор үчүн 20–30 жылдык узак мөөнөттүү визаларды киргизүүнү караштырып жатат. Бул визаларды алуу үчүн инвесторлор экономикалык өнүгүү үчүн өлкөгө 300–400 миң доллардан кем эмес каражат салууга даяр болушу керек.
Бул тууралуу Президенттин алдындагы Улуттук инвестицияларды илгерилетүү агенттигинин башчысынын орун басары Жалын Жээналиев "Биринчи радио" эфиринде билдирди.
Анын айтымында, мындай чара Кыргызстандын түз инвестициялар үчүн глобалдык атаандаштыкта өз позициясын күчөтүүгө багытталган. Дүйнөдө түз инвестициялардын жалпы көлөмү болжол менен 1,2 триллион долларды түзүп жаткан учурда республика инвесторлор үчүн максималдуу жагымдуу шарттарды түзүүгө аракет кылууда.
Жалын Жээналиев белгилегендей, бүгүнкү күндө мамлекет инвесторлорго жер тилкелерин гана эмес, ошондой эле кеңири жеңилдиктер пакетин сунуштап келет.
Атап айтканда, инвесторлор чийки заттар жана жабдуулар үчүн бажы төлөмдөрүнөн бошотулууга, ошондой эле ири, улуттук жана стратегикалык долбоорлор үчүн үч түрдүү салыктан беш жылга чейин бошотулууга укуктуу, бул мөөнөт дагы беш жылга узартылышы мүмкүн.
