Кыргызстанда 2025-жылы жашоо минимуму 8 миң 697 сом болду
Кыргызстанда 2025-жылдын жыйынтыгы боюнча калктын жан башына эсептелген орточо жашоо минимуму 8 миң 697 сом 32 тыйын болгонун Улуттук статистика комитети маалымдады.
Калктын топтору боюнча негизги көрсөткүчтөр
- Эмгекке жарамдуу калк — 9 миң 738 сом 29 тыйын
- эркектер үчүн — 9 миң 983 сом 49 тыйын
- аялдар үчүн — 9 миң 694 сом 40 тыйын
- Пенсионерлер — 7 миң 699 сом 36 тыйын
- Балдар — 7 миң 379 сом 7 тыйын
(жаш курагына жараша 6 миң 556 сом 44 тыйындан 8 миң 416 сом 92 тыйынга чейин өзгөрөт)
Керектөө баштыгынын түзүмү
Жарандардын чыгымдарында азык-түлүк товарлары негизги үлүштү түзүп, аларга 5 миң 653 сом 26 тыйын кеткен.
- Азык-түлүк эмес товарларга — 1 миң 391 сом 57 тыйын
- Кызмат көрсөтүүлөргө — 1 миң 478 сом 54 тыйын
- Салык төлөмдөрүнө — 173 сом 95 тыйын туура келген.
Аймактар боюнча көрсөткүчтөр
Жашоо минимумунун эң жогорку деңгээли Бишкек шаарында катталган — эмгекке жарамдуу эркектер үчүн 10 миң 349 сом 67 тыйын,
ошондой эле Жалал-Абад облусунда — 10 миң 243 сом 23 тыйын.
Эң төмөн көрсөткүч Ысык-Көл облусунда катталып, ал жерде жашоо минимуму 7 миң 908 сом 10 тыйынды түздү (жалпы калк үчүн).
