ИИМ менен TSARKA калкты каржылык алдамчылыктан коргойт

Кыргызстандын Ички иштер министрлиги TSARKA менен биргеликте калкты каржылык алдамчылыктан коргоого багытталган долбоорду ишке киргизгенин ведомствонун басма сөз кызматы билдирди.

Маалыматка ылайык, тараптар кызматташтык тууралуу меморандумга кол коюшкан. Долбоор Япония, Сингапур жана Улуу Британия сыяктуу өлкөлөрдө өз натыйжалуулугун далилдеген эл аралык тажрыйбага негизделген.

"Долбоордун негизги куралы — “визуалдык пауза”. Банкоматтардын жанына орнотулган милиция кызматкерлеринин макеттери алдамчылардын психологиялык абалын өзгөртүп, кырдаалды ойлонуп чыгып, салмактуу чечим кабыл алууга шарт түзөт", — деп айтылат пресс-релизде.

ИИМ ошондой эле дүйнөлүк тажрыйбага таянып, мындай чаралар каржылык кылмыштардын санын 40%га чейин азайтууга жардам берерин белгилейт.

Бул демилгенин алкагында ИИМ жана TSARKA жарандардын каржылык коопсуздугун алдын алуу жолу менен коргоону негизги максат кылып коюшкан.

TSARKA — бул киберчабуулдарды талдоо жана иликтөө борбору. Команда системалардагы алсыз жактарды аудиттен өткөрөт жана текшерет, киберинциденттерди иликтейт жана компанияларга коргонуу системасын түзүүгө жардам берет.