Кыргызстан СПЕКА форумунда транспорт жана санариптик соода маселесин көтөрдү
21-22-январда Ашхабад шаарында СПЕКАнын (Бириккен Улуттар Уюмунун Борбордук Азия экономикалары үчүн атайын программасы) Экономикалык форуму өтүп жатат. Форумдун алкагында КРнын Экономика жана коммерция министрлигинин орун басары Медербек Туманов аймактык өз ара байланыштарды өнүктүрүү маселелерин талкуулап жатат.
Ведомствонун маалыматына ылайык, Медербек Туманов өз сөзүндө "Кытай — Кыргызстан — Өзбекстан" темир жол долбоорун ишке ашыруунун маанилүүлүгүн белгиледи. Ошондой эле, Өзбекстан менен чектеш өткөрүү пунктунда e-TIR системасын пилоттук режимде колдонуу жана "Достук" өткөрүү пунктунда "Электрондук өткөрүү пункту" долбоорунун ишке ашырылышы макулдуктуу жүргөнү айтылды.
Министрдин орун басары Кыргызстандын соода жол-жоболорун жөнөкөйлөтүү жана санариптештирүүбагытында пилоттук долбоорлорду ишке ашырууга даяр экенин белгиледи.
Маалымат үчүн: СПЕКА 1998-жылдын 26-мартында Ташкент декларациясынын негизинде Борбордук Азия экономикаларынын ортосундагы кызматташтыкты күчөтүү максатында түзүлгөн.
