Былтыр Кепилдик фонддун кепилдиктеринин 85%ы аймактарга багытталган
Отчеттук мезгилдин жыйынтыгы боюнча Кепилдик фонд ААКсы тарабынан берилген бардык кепилдиктердин 85%ы Кыргызстандын аймактарына багытталган. Бул тууралуу аталган фонддун маалымат кызматынан билдиришти.
Жалпысынан Кепилдик фонд ААКсы 1 656 кепилдик берип, алардын жалпы суммасы 3 789,2 млн сомду түздү. Бул ишкердик субъекттерине 12 977,2 млн сом өлчөмүндө кредиттик каражаттарды тартууга мүмкүндүк берди.
Аймактык кесилиште кепилдик колдоонун эң ири көлөмү үч аймакка туура келди. Чүй облусу лидер болуп, анда 349 кепилдик 1 607,9 млн сом суммасында берилди, кредиттер – 5 258,3 млн сом. Жалал-Абад облусунда 258 кепилдик 157,6 млн сомго кредит – 506,8 млн. Ош облусунда 230 кепилдик 166,5 млн сомго, кредит – 532,1 млн сом.
Калган аймактарда да кепилдик колдоо туруктуу мүнөздө улантылды. Талас облусунда 178 кепилдик – 214,6 млн сом, кредит – 627,9 млн сом, Нарын облусунда 136 кепилдик – 86,9 млн сом, кредит- 270,1 млн сом, Ысык-Көл облусунда 121 кепилдик 265,9 млн сомго, кредит – 1 108,4 млн сом, Баткен облусунда 117 кепилдик 107,0 млн сомго, кредит – 324,8 млн сом кредит тартылган, Ош шаарында 22 кепилдик 112,1 млн сомго, кредит – 265,3 млн сом.
Бишкек шаарында 245 кепилдик 1 070,7 млн сом, кредит – 4 083,5 млн сом.
