Кыргызстандыктар ОСАГО полиси боюнча 256 млн сом төлөм алышты
Кыргызстанда автоунаага жарандык жоопкерчиликти милдеттүү камсыздандыруу (ОСАГО) боюнча камсыздандыруу төлөмдөрүнүн жалпы суммасы 256 млн сомду түздү. Бул тууралуу Финансы рыногун жөнгө салуу жана көзөмөлдөө кызматынын төрагасы Марат Пирназаров "Биринчи радионун" түз эфиринде билдирди.
Анын айтымында, камсыздандыруу төлөмдөрүнүн эң ири бөлүгү ыктыярдуу камсыздандыруу түрлөрүнө туура келет. Тактап айтканда, жеке камсыздандыруу боюнча 165 млн сом, ал эми мүлктү камсыздандыруу боюнча 625 млн сом төлөнгөн.
Ошондой эле турак жайды милдеттүү камсыздандыруунун алкагында жарандарга 28 млн сомдон ашык каражат берилген. Милдеттүү камсыздандыруу түрлөрүнүн арасында эң жогорку төлөм ОСАГО полистерине туура келип, ал 256 млн сомду түздү.
Марат Пирназаров белгилегендей, акыркы жылдары калк камсыздандыруунун маанисин тереңирээк түшүнүп, анын мүлктүк жана социалдык кызыкчылыктарды коргоодогу ролуна көбүрөөк көңүл бура баштады.
