2025-жылы бирдиктүү салык декларациясын тапшырууда мүчүлүштүк кетирген 3472 кызматкер аныкталды

КРнын прокуратура органдары тарабынан 2025-жылдын ичинде мамлекеттик жана муниципалдык кызматкерлер тарабынан кирешелер, чыгымдар, милдеттенмелер жана мүлк жөнүндө бирдиктүү салык декларациясын тапшыруу талаптарынын аткарылышы боюнча текшерүү иши жүргүзүлгөн.

Башкы Прокуратуранын басма сөз кызматынан маалымдагандай, текшерүүнүн натыйжасында, 2024-жыл үчүн бирдиктүү салык декларациясын тапшырбаган, аны белгиленген мөөнөттү бузуу менен тапшырган же туура эмес маалыматтарды көрсөткөн жалпы 3472 кызматкер аныкталган.

Аталган фактылар боюнча Укук бузуулар жөнүндө кодексинин 438-беренесинин негизинде укук бузуу өндүрүштөрү козголуп, материалдар сот органдарына кароо үчүн жөнөтүлгөн. Анын жыйынтыгы боюнча 2882 кызмат адамына жалпы 13 млн 674 миң сом өлчөмүндө айып салынды.

Учурда калган кызматкерлерге карата материалдар сот тарабынан кароонун кезегинде турат.