Кыргызстанда жана коңшу өлкөлөрдө эттин баасы кандай?

Экономика жана коммерция министрлигине караштуу Антимонополияга каршы жөнгө салуу кызматынын төрагасы Женалы Орозбаев бир катар өлкөлөрдө сөөктүү эттин орточо баалары боюнча салыштырма маалымат берди.

26-январда Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында ал депутаттардын суроолоруна жооп берип жатып, 1 килограмм эттин баасы өлкөлөргө жараша айырмаланарын билдирди.

Анын айтымында, Өзбекстанда орточо айлык акы Кыргызстанга салыштырмалуу төмөн болгонуна карабастан, эттин баасы жогору. Ал эми Казакстанда орточо эмгек акы 50 миң сомдон ашса, Кыргызстанда бул көрсөткүч 45 миң сомдун тегерегинде.

Женалы Орозбаев мындай айырмачылыктарга ички рыноктун өзгөчөлүктөрү, чыгымдар жана атаандаштык шарттары таасир этерин белгиледи.