Экономика

Эл аралык өнүктүрүү фонду менен насыялык макулдашуу парламентте кабыл алынды

Ишкер Media

29 янв. 2026 18:35

Жогорку Кеңеш Кыргызстан менен ОПЕКтин Эл аралык өнүктүрүү фонду ортосунда түзүлгөн кредиттик макулдашууну ратификациялоо тууралуу мыйзам долбоорун экинчи окууда кабыл алганын парламенттин басма сөз кызматы билдирди.

Аталган макулдашуу "Туруктуу жана инклюзивдүү өсүүнү өнүктүрүүнүн биринчи программасынын" алкагында ишке ашырылып, бюджеттик колдоо катары 30 млн доллар бөлүүнү карайт. Макулдашууга 2025-жылдын 22-сентябрында Бишкек шаарында кол коюлган.

Жогорку Кеңештин маалыматына ылайык, 30 млн доллар өлчөмүндөгү каржылоо 20 жылдык мөөнөткө, анын ичинде 5 жылдык жеңилдетилген мезгил менен, жылдык 1,25%дык чен алдында берилет.

Каражаттар социалдык-экономикалык өнүгүүнү колдоого, анын ичинде туруктуу жана адилеттүү энергия менен камсыздоого, социалдык кызматтарды жакшыртууга, климаттык туруктуулукту жогорулатууга, финансылык туруктуулукту бекемдөөгө жана ишкердик чөйрөнү жакшыртууга багытталат.

Талкуу учурунда депутаттар каражаттарды пайдалануунун багыттарын жана программанын артыкчылыктарын такташты. Айсаракан Абдибаева насыя каражаттары кайсы максаттарга жумшаларын сурап, энергетика тармагын колдоонун маанилүүлүгүн өзгөчө белгиледи. Азизбек Турсунбаев заемдук каражаттарды тартуунун максатка ылайыктуулугуна кызыкты, ал эми Махабат Мавлянова чакан жана орто бизнести мамлекеттик колдоо маселесин көтөрдү.

Камила Талиева "Социалдык келишимдин" көлөмүн көбөйтүүнү сунуштап, баштапкы капитал катары берилген 150 миң сом жаңы ишкерликти баштоо үчүн жетишсиз экенин белгиледи.

Мындан тышкары окуңуз

Баткендеги катуу шамалдын кесепети 16 млн сом чыгымга учуратты

27-июнда Баткен шаарында, ошондой эле Баткен жана Лейлек райондорунун аймагында катуу шамал болуп, шамалдын ылдамдыгы секундасына 27–28 метрге чейин жетти. Бул тууралуу президентинин Баткен облусундагы ыйгарым укуктуу өкүлүнүн басма сөз кызматы билдирди. Маалыматка ылайык, жаратылыш кырсыгынын кесепетинен айрым турак үйлөрдүн жана социалдык объектилердин чатырлары жабыркап, башка материалдык чыгымдар

Нарындагы мыйзамсыз курулган тосмолор буздурулууда

Нарын шаарынын Жаңы Жол чөлкөмүндө мыйзамсыз тосулуп алынган жер аянттарын кайтарып алуу максатында дубал тосмолор жана сарайлар бузулууда. Нарын шаардык мэриясынын маалымат кызматынын айтымына караганда, “Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо” жөнүндөгү президенттин 109 -Жарлыгынын алкагында мыйзамсыз курулуштарды аныктоо, бузуу боюнча жарандарга билдирүүлөр да

Кыргызстан менен Пакистан соода-экономикалык долбоорлорду ишке ашырат

Инвестициялар боюнча улуттук агенттиктин башчысы Равшанбек Сабиров Пакистандын Лахор шаарындагы Кыргызстандын ардактуу консулу менен жолугушту. Аталган мекеменин маалыматына ылайык, жолугушууда Кыргызстан менен Пакистандын ортосундагы инвестициялык жана соода-экономикалык кызматташуунун келечектүү багыттары талкууланды. Пакистан тарап Кыргызстандын инвестициялык мүмкүнчүлүктөрү, артыкчылыктуу тармактары жана инвесторлор үчүн каралган мамлекеттик колдоо чаралары менен таанышты. Равшанбек Сабир

“Кыргыз Петролеум Компаниясын” жаңылоого 409,9 млн доллар каралган

Министрлер Кабинетинин төрагасынын орун басары Эрлист Акунбеков Жалал-Абад облусуна болгон жумуш сапарынын алкагында Манас шаарында өлкөдөгү күйүүчү-майлоочу май маселелерине байланыштуу тиешелүү мамлекеттик органдардын жетекчилеринин жана мунай менен иш алып барган бир катар жеке компаниялардын жетекчилеринин катышуусунда жыйын өткөрдү. Президенттик админстрациянын маалыматтык саясат бөлүмүнүн маалыматына ылайык, отурумда негизинен “Кыргызнефтегаз”