Министрлер кабинетинин төрагасынын орун басары Эдиль Байсалов парламенттик жыйында Кыргызстандагы жакырчылыктын жаңы жүзү тууралуу айтып берди.

"Бул — шаардык жакырчылык. Бул турак жайга, медицинага жана билим берүүгө жеткиликтүүлүккө байланыштуу. Элеттеги жакыр үй-бүлөлөр күнүмдүк тамак-аш таба албай шаарга көчүп келишет жана ошол жакта жашап калышат. Албетте, эң көп жабыркагандар — балдар. Бул соңку беш жылда байкалган биз үчүн жаңы көрүнүш. Бүгүнкү күндө жакырчылык шаарларда көбүрөөк. Жакырчылык, өтө жакырчылык — бул сөздөн коркпойбуз, жана мындан тышкары нааразычылык, муктаждык көп", — деди ал.

Ошондой эле ал өлкө жетекчилиги жөлөкпулдарды төлөөдө абалды жакшыртуу үчүн аракет көрүп жатканын белгиледи, өзгөчө балдарга байланыштуу.

Эдиль Байсалов мамлекет дароо эле бардык балдарга, үй-бүлөнүн кирешесине карабастан, жөлөкпул төлөй албай турганын кошумчалап, бирок жакынкы айларда МинКаб жөлөкпулдар боюнча абалды өзгөртүү үчүн бир катар кадамдар жасаларын убада кылды.

Мурун депутаттар коомдук талкууга социалдык колдоону кеңейтүүгө багытталган мыйзам долбоорун чыгарган. Депутаттар тарабынан балдары 12 жашка чейинки үй-бүлөлөргө жөлөкпул төлөп берүү, ал эми муктаж үй-бүлөлөр үчүн бул чекти 16 жашка чейинки балдарга чейин кеңейтилүүсү сунушталган.