ЕАЭБ аймагында тарта товарларды көзөмөлдөө системасы ишке кирет
2026-жылдын 1-сентябрынан тарта ЕАЭБде товарларды көзөмөлдөө системасы ишке кирерин Евразия экономикалык комиссиясы билдирди.
Товарлардын тизмеси ЕЭК Кеңеши тарабынан бекитилди. Маалыматка ылайык, туруктуу негизде төмөнкү товарлар көзөмөлгө алынат:
- тиричилик муздаткычтары жана тоңдургучтары (ЕАЭБ Тышкы экономикалык ишмердүүлүктүн товардык номенклатурасынын (ТЭИТН) 12 коду);
- тиричилик же кир жуучу жайлар үчүн кир жуугуч машиналар, анын ичинде сыгып кургатуучу түзүлүшү барлары (ЕАЭБ ТЭИТНинин 6 коду);
- телевизиондук байланыш үчүн кабыл алуучу аппаратура, анын ичинде кеңири уктуруучу радиокабылдагычы бар же жок, ошондой эле үн же сүрөт жазуучу же кайра ойнотуучу жабдууларды камтыган түрлөрү (ЕАЭБ ТЭИТНинин 16 коду).
ЕЭКтин экономика жана каржы саясаты боюнча министри Бахыт Султанов белгилегендей:
"Биз бизнес үчүн бирдиктүү жана ачык шарттарды түзүп жатабыз, анда ак ниет ишкерлер адилет атаандаштыкка ээ болушат. Ал эми керектөөчүлөр үчүн бул, биринчи кезекте, сатып алынган продукциянын сапаты жана коопсуздугу боюнча кепилдик болуп саналат. Система “көмүскө” продукцияга каршы натыйжалуу күрөшүүгө жана бүткүл Союздун экономикалык коопсуздугун бекемдөөгө мүмкүндүк берет. Биз негизги тиричилик техникасы категорияларынан баштап жатабыз жана келечекте бул тизмени кеңейтип, жалпы рыногубузду дагы цивилизациялуу жана алдын ала божомолдоого мүмкүн болгондой кылабыз", — деди ал.
