Экономика

ЕАЭБде электрондук соода үчүн улуттан жогорку эрежелер даярдалып жатат

Ишкер Media

01 фев 2026 15:44

Евразиялык экономикалык биримдикте (ЕАЭБ) электрондук сооданы жөнгө салуучу улуттан жогорку нормативдик актыларды иштеп чыгуу пландалууда. Бул тууралуу радионун түз эфиринде Экономика жана коммерция министрлигинин ЕАЭБди координациялоо башкармалыгынын интеграцияны өнүктүрүү секторунун башчысы Каниет Насирдинов билдирди.

Анын айтымында, өткөн жылы маркетплейстерде иш алып барган сатуучулар бир катар көйгөйлөргө туш болушкан. Айрыкча, товарды алуучуларга байланыштуу маселелер жана кошумча нарк салыгын (КНС) төлөө боюнча суроолор жаралган.

2026-жылы ЕАЭБ алкагында электрондук соода аянтчаларынын ишмердүүлүгүн жөнгө салуучу улуттан жогорку документтерди даярдоо боюнча ири масштабдагы иштер пландалууда.

Министрликтин өкүлү белгилегендей, учурда ири маркетплейстерди салыктык резидент болууга милдеттендирүү жана товарларды сатууда КНСти өз алдынча төлөп берүүсүн камсыз кылган нормаларды киргизүү маселеси талкууланууда. Тиешелүү актыларга кол коюу 2026-жылдын аягына — 2027-жылдын башына пландалууда.

Алдын ала маалыматтарга ылайык, КНС товар сатып алуучу тарабынан иш жүзүндө алынган учурда электрондук соода аянтчасы тарабынан төлөнөт. Насирдиновдун айтымында, бул чаралар чек аралык электрондук соодадагы салык салууга байланыштуу учурдагы көйгөйлөрдү жоюуга жана биримдиктин ичинде эсеп-кысап иштерин тартипке салууга мүмкүнчүлүк берет.

Мындан тышкары окуңуз

Сокулукта мыйзамсыз курулуп жаткан цехке айып салынды

Мамлекеттик курулуш көзөмөл департаментинин Чүй башкармалыгы Сокулук районунун Кызыл-Туу айылында мыйзамсыз курулушту аныктады. Бул тууралуу Курулуш министрлиги кабарлады. Маалымдалгандай, текшерүүдө желдеткич соргучтарды жасоочу өндүрүштүк цех катары пайдалануу үчүн кампа долбоордук жана уруксат берүүчү документтерсиз курулуп жатканы белгилүү болгон. Жыйынтыгында жооптуу "ЭкстраВент" ЖЧКсына акт түзүлүп, мыйзам бузууларды жоюу

Таласта 50 үй-бүлөгө көмүр таратылды

Талас шаарында аз камсыз болгон жана ден соолугунун мүмкүнчүлүгү чектелген мүчөлөрү бар 50 үй-бүлөгө 15 тонна көмүр таратылды. Бул тууралуу Талас шаарынын мэриясы билдирди. Маалыматка ылайык, социалдык жардам көрсөтүү үчүн шаардык бюджеттен 100 миң сом бөлүнүп, ар бир үй-бүлөгө 6 каптан көмүр берилди. Жардам алуучулардын тизмеси тиешелүү башкармалыктын

3 кыргыз студенти Финансылык коопсуздук боюнча олимпиадада байгеге ээ болушту

Кыргызстандык студенттер Красноярск шаарында өткөн Финансылык коопсуздук боюнча VI Эл аралык олимпиадада байгелүү орундарга ээ болушту. Бул тууралуу Илим министрлигинен кабарлады. Маалым болгондой, олимпиаданын финалдык этабына 45 өлкөдөн 700гө жакын катышуучу катышты. Жыйынтыгында 35 өлкөдөн келген 219 катышуучу жеңүүчү жана байге ээси аталды. Алардын 193ү студенттер болду. Финалдын жыйынтыгы боюнча

Тогуз-Тородо 3 миң гектардан ашык жерди сугаруу үчүн 2 канал куруу пландалууда

Тогуз-Торо районунда жалпы 3 миң 256 гектар жерди сугат суу менен камсыз кылууга багытталган эки каналдын курулушу пландалууда. Бул тууралуу өлкө лидери Садыр Жапаровдун 26-октябрдагы иш сапары учурунда маалымдалды. Билдирүүгө караганда, анын бири - 800 гектар жерди сугарууга мүмкүндүк бере турган "Кара-Талаа" каналы. Долбоордун алдын ала