Кызыл-Кыяда суткалык суу бассейни кеңейтилет
Кызыл-Кыя шаарындагы "Караван" суткалык жөнгө салуучу бассейни оңдолорун президенттин Баткен облусундагы өкүлчүлүгүнөн билдиришти. Бүгүн президенттин өкүлүнүн орун басары Абдирашит Ташбалтаев, жериликтүү жетекчилер жана суу чарба тармагынын жетекчилери менен суу сактагычты жеринен көрүштү.
Ташбалтаев алдыда бул инженердик курулманы капиталдык оңдоп-түзөөдөн өткөрүү үчүн долбоорун даярдоону жана сугат мезгили башталганга чейин суу бөлүштүрүүчү жайын жана сугат каналдарын оңдоо жумуштарын бүткөрүүнү тапшырды.
Аталган суткалык жөнгө салынуучу бассейни 600 гектар жерди сугат суу менен камсыз кылып турат. Ондоп-түзөөдөн өткөндөн кийин дагы 100 гектар жаңы жерди өздөштүрүүгө болот. Кыш мезгилинде 300 миң кубка жакын суу болот, суу сактагыч толук калыбына келтирилсе 1 млн куб суу топтоого болот.
