Экономика

МинКаб Салык кызматынын 2025-жылдагы жыйынтыгын чыгарды

Ишкер Media

06 февр. 2026 13:26

МинКаб Төрагасы Адылбек Касымалиев Мамлекеттик салык кызматынын 2025-жылдагы ишинин жыйынтыгын чыгарган коллегияга катышканын басма сөз кызматынан билдиришти.

Ал 2025-жылы Салык кызматы 391,8 млрд сом чогултуп, пландын 8,2 млрд сомдон ашык аткарылганын белгилеп, санариптештирүү, салыктык администрациялоону жөнөкөйлөтүү жана кызмат көрсөтүүнүн сапатын жогорулатуу багытында алгылыктуу чаралар ишке киргенин билдирди.

Бюджеттин өсүшүнө таасир эткен факторлордун ичинде экономиканын өсүшү, ИДПнын 2020-жылы 8,3 млрд доллардан 2025-жылы 22,6 млрд долларга жетиши; салыктык түшүүлөр болжол менен 4 эсеге, бажылык түшүүлөр 6 эсеге, салыктык эмес түшүүлөр 8-9 эсеге көбөйгөнү; курулуш, соода, тейлөө жана айыл чарбасында көрсөткүчтөрдүн жогорулашы; ошондой эле Кумтөрдөн түшкөн кирешенин 5 млрд доллардан ашканы бар.

Адылбек Касымалиев белгилегендей, Президент тарабынан социалдык тармактын кызматкерлеринин эмгек акысын жогорулатуу милдети коюлган. Ал Салык кызматынын ири инфраструктуралык долбоорлорду жана мамлекеттик иш-чараларды өз убагында каржылоодогу ролун белгиледи.

Коллегияда салыктык карыздардын көбөйүшү жана ашыкча төлөнгөн салыктар маселеси көтөрүлүп, аларды кечиктирбестен чечүү тапшырылды. Ошондой эле МинКаб башчысы “Салык күзөт” маалыматтык системасын өркүндөтүү жана жакынкы аралыкта ишке киргизүү тапшырмасын берди.

Сөзүнүн соңунда ал алдыда турган максаттарга жетиш үчүн күчтүү дем жана кесипкөйлүк менен иштөө зарылдыгын белгилеп, Мамлекеттик салык кызматынын айрым кызматкерлерине сыйлыктарды тапшырды.

Мындан тышкары окуңуз

Кыргызстанда чакан жана орто бизнеске 6%дык жеңилдетилген насыялар берилет

Экономика жана коммерция министрлигинин бизнес чөйрөсүнүн саясаты башкармалыгынын башчысы Аким Насиров бүгүн чакан жана орто бизнести колдоо программасы тууралуу маалымат берди. Министрликтин маалыматына ылайык, учурда өлкөдө: * 20 миңден ашык чакан жана орто ишкана, * 496 миңге жакын жеке ишкер иш алып барууда. Чакан жана орто бизнестин үлүшү ИДПны 51,7%ды

Кытай бензин экспортун убактылуу токтотууну буйруду

Кытай бийлиги жергиликтүү мунай иштетүүчү заводдордон автомобилдик бензин жана дизелдик күйүүчү майды экспорттоону убактылуу токтотууну талап кылганын Bloomberg агенттиги жагдайдан кабардар булактарга таянып билдирди. Маалыматка караганда, Пекиндин мындай чечими Жакынкы Чыгыштан чийки мунай жеткирүүдөгү үзгүлтүктөргө байланыштуу кабыл алынган. Бул көйгөйлөр Ирандагы согуштук кырдаалдан улам пайда болгон. Кытай бийлиги бензин менен

Оштогу суу коргоо зонасындагы мыйзамсыз курулуштар буздурулууда

Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Ош региондук башкармалыгы тарабынан Ноокат районунун Кулатов айыл аймагындагы Абыш-Сай тилкесинде жайгашкан курулуш объектилерине текшерүү жүргүзүлдү. Бул тууралуу Курулуш министрлигинен билдиришти. Текшерүүнүн жүрүшүндө К.А.К. аттуу жаранга тиешелүү 78 гектар жер аянтында курулган кичи жана капиталдык объектилер

Араванда жазгы талаа иштерине даярдык боюнча кеңешме өттү

Араван райондук мамлекеттик администрациясында айыл чарба тармагына арналган кеңешме жыйыны болуп өттү. Жыйынга Суу ресурстары, айыл чарба жана кайра иштетүү өнөр жайы министри Эрлист Акунбеков жана Президенттин Ош облусундагы ыйгарым укуктуу өкүлү Аманкан Кенжебаев катышты. Бул тууралуу Айыл чарба министрлигинен билдиришти. Жыйында район аймагындагы жазгы талаа иштерине даярдык маселеси каралып,