"Бир айыл – бир продукт": 2025-жылдын мыкты продукциялары тандалды
9-февралда Экономика жана коммерция министрлигинде "Бир айыл – бир продукт" улуттук экономикалык долбоорунун алкагында 2025-жылдын жыйынтыгы боюнча "Мыкты улуттук бренд" сынагына катышуучу продукцияларды тандоо боюнча ведомстволор аралык жумушчу топтун жыйыны өткөрүлдү. Бул тууралуу ведомстводон билдиришти.
Жыйында БАБП бренди менен сертификацияланган 7 облусунан 60тан ашуун продукция каралды. Алардын катарында табигый ширелер, чайлар, бал, печенье, кургатылган мөмө-жемиштер, концентраттар, косметикалык жана кол өнөрчүлүк продукциялар бар. Ведомстволор аралык топ продукцияларды сапаты, таңгактоосу, ХАССП системасы, экспорттук потенциалы жана тамак-аш коопсуздугу боюнча баалады.
Тандоодон өткөн продукциялар төмөнкү номинациялар боюнча "2025-жыл үчүн Мыкты улуттук бренд" сынагына сунушталат: "Облустун мыкты продукты", "Ишкананын мыкты продукты", "БАБПтин эң көп сатылган продукты", "Мыкты студенттик продукт", "Суперден-соолукка пайдалуу продукт", "Экспорттук потенциалы жогору продукт", "Эң активдүү облус".
БАБП долбоору жергиликтүү өндүрүүчүлөрдү колдоп, сапаттуу продукция өндүрүүгө шарт түзүп, өлкө ичинде жана чет өлкөлөрдө уникалдуу продукцияны жайылтууга мүмкүнчүлүк берет.
